Mende hasieratik eta 1936. urtera arte, zentro pribatuak ordain zitzaketen burgesiako pertsona gero eta ugariagoen eta oporrak hemen pasatzera etortzen ziren kanpotarren eskaerei aurre egin ahal izateko, dozena bat klinika pribatu sortu ziren Donostian eta Gipuzkoako beste toki batzuetan. Lehenengoa San Ignazio Klinika izan zen. Honen ondotik beste klinika batzuk sortu ziren, Perpetuo Socorro Klinika; Nuestra Señora de las Mercedes Klinika edo Arantzazuko Ama Klinika, besteak beste.